COVID-19-ის გავრცელების პრევენციის მიზნით IOM-მა ზუგდიდის მუნიციპალიტეტის 5 სოფელში მცხოვრებ იძულებით გადაადგილებულ პირებს 10,000 პირბადე გადასცა. პირბადეები IOM-ის მხარდაჭერით  დევნილ ქალთა მოძრაობა მშვიდობისთვის, ასოციაცია იმედის ბენეფიციარებმა დაამზადეს. 

პირბადეების შეკერვაზე რვა იძულებით გადაადგილებულმა ქალმა იმუშავა. მასალა ორგანიზაციას თურქეთის თანამშრომლობისა და კოორდინაციის სააგენტომ (TIKA) მიაწოდა. დარიგებაში კი IOM-თან ერთად წითელი ჯვარი მონაწილეობდა. IOM-მა პირბადეები ზუგდიდის მუნიციპალიტეტის 5 სოფელში - ანაკლიაში, ორსანტიაში, კოკში, შამგონაში და რუხში - მცხოვრებ იძულებით გადაადგილებულ პირებს და სოფლის ამბულატორიებს და ადმინისტრაციულ ერთეულებს დაურიგა.პირბადეები გამყოფი ზოლის მიმდებარე სოფლებში განთავსებულ დევნილთა კოლექტიურ ჩასახლებებში მოხდა. 2000 პირბადე ორგანიზაციის სამშვიდობო კლუბის წევრის დახმარებით ოკუპირებული ტერიტორიის მოსახლეობასაც გადაეცემა. 

ზუგდიდში 14,371 სოციალურად დაუცველი იძულებით გადაადგილებული ოჯახი ცხოვრობს. მათი უმეტესობა სიღარიბის ზღვარს მიღმა იმყოფება და მათი ძირითადი შემოსავალი სოციალური სააგენტოს მიერ გაცემული ფინანსური დახმარებაა.