სამედიცინო ინვენტარით აღჭურვილი საიზოლაციო სივრცეები (სულ 70,000 ევროს/250,000 ლარის ღირებულებით) კიდევ უფრო გააძლიერებს საქართველოს მთავრობის შესაძლებლობებს მგზავრების უსაფრთხოების და საერთაშორისო ჯანდაცვის წესების დაცვის კუთხით.

სასაზღვრო გამტარ პუნქტზე - სადახლო, საქართველოს ფინანსთა სამინისტროს  შემოსავლების სამსახურის მიერ გამართულ ღონისძიებაზე, მიგრაციის საერთაშორისო ორგანიზაციამ (IOM) და ევროკავშირმა, მიმდინარე პროექტის ფარგლებში მოწყობილი 4 საიზოლაციო სივრცე (სადახლო, სარფი, წითელი ხიდი, თბილისის საერთაშორისო აეროპორტი) ფორმალურად გახსნეს. 4-ივე სივრცე ასევე აღიჭურვა აუცილებელი სამედიცინო ინვენტარით, როგორიცაა პაციენტის შესამოწმებელი მაგიდა, სამედიცინო კარადა და ა.შ. აქტივობა განხორციელდა ევროკავშირის მიერ დაფინანსებული პროექტის "საქართველოში საზღვრის და მიგრაციის მართვის მდგრადობის უზრუნველყოფა" (SBMMG) ფარგლებში.

აღნიშნული პროექტი წარმოადგენს ევროკავშირის მიერ დაფინანსებული მნიშვნელოვანი პროგრამის ნაწილს, რომელიც ხორციელდება IOM-ის მიერ მიგრაციისა და საზღვრის მართვის სფეროში. აღნიშნულ მხარდაჭერას ასევე მოყვება მნიშვნელოვანი შესყიდვები და სასწავლო აქტივობები, რომელიც ხელს შეუწყობს საქართველოს საზღვრის დაცვის შესაძლებლობების შემდგომ განვითარებას ევროკავშირთან უვიზო რეჟიმის შეჩერების მექანიზმის ნიშნულების შესაბამისად.

.