6 მაისს, საგამოფენო ცენტრში „ექსპო ჯორჯია“ ევროპის დღე აღინიშნა. ღონისძიება საქართველოში ევროკავშირის წარმომადგენლობის ეგიდით და ორგანიზებით გაიმართა. 

მასშტაბური ღონისძიება ოფიციალურად გახსნეს საქართველოს მთავრობის წარმომადგენლებმა და ევროკავშირის ელჩმა საქართველოში.

ევროპის დღისადმი მიძღვნილ ღონისძიებაზე, მთელი დღის განმავლობაში, ყველა ასაკის ადამიანისთვის მრავალფეროვანი აქტივობები იყო წარმოდგენილი. ევროკავშირის წევრი ქვეყნების წარმომადგენლებმა „ევროპულ სოფელში“ მოსულ სტუმრებს საკუთარი კულტურა და ტრადიციები გააცნეს, მათ შორის, სიმღერისა და ცეკვის წარმოდგენები. ევროკავშირის პარტნიორებმა საქართველოში, მათ შორის მიგრაციის საერთაშორისო ორგანიზაციამ, განხორციელებული პროექტების შედეგები წარადგინეს და იმ სარგებელზე ისაუბრეს, რომელსაც ამ პროექტების დახმარებით მოქალაქეები იღებენ.  

მიგრაციის საერთაშორისო ორგანიზაცის სტენდთან მოსულ სტუმრებს საშუალება ჰქონდათ მონაწილეობა მიეღოთ ევროკავშირის/შენგენის ზონაში უვიზო მიმოსვლასთან დაკავშირებულ ინტერაქტიულ თამაშებსა და ვიქტორინებში. 
ევროპის დღე, ყოველწლიურად, მსოფლიოს მასშტაბით 9 მაისს აღინიშნება, კოვიდ-19-ის პანდემიის შემდეგ კი, ამ ტიპის მასშტაბური ღონისძიება თბილისში პირველად გაიმართა. 

მეტი დეტალებისთვის ეწვიეთ ბმულს: https://bit.ly/3NHAGhQ