ჟენევა - უკიდურესად შეშფოთებულები ვართ უკრაინაში სამხედრო მოქმედებების ესკალაციისა და ჰუმანიტარული მდგომარეობის გაუარესების გამო.

ვიმეორებთ გაეროს გენერალური მდივნის, ანტონიო გუტერესის მოწოდებას საომარი მოქმედებების დაუყოვნებლივ შეწყვეტის და მშვიდობიანი მოსახლეობის და სამოქალაქო ინფრასტრუქტურის დაცვის შესახებ.

უკრაინაში რვაწლიანმა კონფლიქტმა გამოიწვია 1,4 მილიონზე მეტი ადამიანის იძულებით გადაადგილება, რომლებიც ახლა ყოველდღიური საჭიროებების მისაღებად დახმარების იმედად არიან.  ეს ესკალაცია მხოლოდ გააღრმავებს ჰუმანიტარულ საჭიროებებს და გაართულებს მილიონობით ოჯახის განსაცდელს.

IOM, გაეროსთან და ჰუმანიტარულ საზოგადოებასთან ერთად, მოწადინებულია დარჩეს და გაუწიოს სასიცოცხლოდ მნიშვნელოვანი დახმარება უკრაინელ ხალხს და მზადაა, უპასუხოს ქვეყანაში და რეგიონში წარმოშობილ ჰუმანიტარულ საჭიროებებს მთავრობებთან და პარტნიორებთან მჭიდრო კოორდინაციით.

განვაგრძობთ ნეიტრალურად და მიუკერძოებლად მოქმედებას და ჰუმანიტარული დახმარების გაწევა ჩვენთვის მთავარ პრიორიტეტად რჩება.