2021 წლის 6-დან 10 დეკემბრამდე პერიოდში IOM-მა საქართველოს საგარეო საქმეთა სამინისტროს საკონსულო დეპარტამენტის თანამშრომლებისთვის ჰიბრიდული ტრენინგი ჩაატარა. ტრენინგის თემა იყო უცხოელების მიერ შეტანილი საქართველოს სავიზო განაცხადების განხილვის მიმართულებით ევროპის ქვეყნების გამოცდილების გაზიარება.

ბრიტანელი ექსპერტი ქართველ კოლეგებს სავიზო აპლიკანტებთან გასაუბრების ეფექტიან ტექნიკასა და ფიზიკურ და ფსიქოლოგიურ ასპექტებზე დეტალურად ესაუბრა. მან ასავე გააკეთა დოკუმენტების გაყალბების და შეცვლის ყველაზე ხშირი მეთოდების პრეზენტაცია, რასაც შეიძლება სავიზო ოფიცრები ყოველდღიურ საქმიანობაში შეხვდნენ და ისაუბრა იმ ტექნიკურ ასპექტებზე, რომლებიც განსაკუთრებით საყურადღებოა დოკუმენტების ნამდვილობის დასადგენად. კურსი მნიშვნელოვანია როგორც საქართველოში იმიგრაციის მართვის პირველი ხაზის სტრუქტურების შესაძლებლობების გაძლიერებისთვის, ასევე უკანონო მიგრაციასთან ბრძოლისთვის, რაც საქართველოს ევროკავშირისთვის სანდო პარტნიორის სტატუსს ანიჭებს. 

ტრენინგში მონაწილეობდნენ საკონსულო დეპარტამენტის თანამშრომლები და საზღვარგარეთ, 10 ქვეყანაში მყოფი დიპლომატები, რომლებისთვისაც აღნიშნული საკითხი აქტუალურია. 

ტრენინგი ჩატარდა ევროკავშირის მხარდაჭერით, პროექტის ფარგლებში - "საქართველოში საზღვირს და მიგრაციის მართვის მდგრადობის უზრუნველყოფა".