„საზოგადოებრივმა ცენტრმა უნდა შეასრულოს მნიშვნელოვანი როლი ბუკისციხესა და მეზობელ თემებში ადგილობრივი განვითარებისა და აღორძინების პროცესში, რომელიც ხელს შეუწყობს დაბრუნების მდგრადობას და შეამცირებს ემიგრაციის გადაწყვეტილებების მიღების წნეხს“, განაცხადა IOM-ის მისიის ხელმძღვანელმა საქართველოში, სანია ჩელებიჩ ლუკოვაცმა, „აღნიშნულის განსახორციელებლად, IOM-ს და მის პარტნიორებს კონკრეტული გეგმები აქვთ, რომელიც ითვალისწინებს მიზნობრივი ტრენინგების, კულტურული ღონისძიებების და საინფორმაციო შეხვედრების სერიებს ქალებისთვის, ახალგაზრდებისთვის და თემის სხვა წევრებისთვის, განურჩევლად მიგრაციის გამოცდილებისა, საზოგადოების განვითარების დღის წესრიგის გასაგრძელებლად.“

მრავალფუნქციური სათემო ცენტრი ბუკისციხეში გაეროს განვითარების პროგრამისა (UNDP) და მიგრაციის საერთაშორისო ორგანიზაციის (IOM) ურთიერთთანამშრომლობითა და შვეიცარიის განვითარებისა და თანამშრომლობის სააგენტოს ფინანსური მხარდაჭერით, გაეროს განვითარების პროგრამის (UNDP) პროექტის - „რეგიონალური და ადგილობრივი განვითარების ხელშეწყობა საქართველოში ფაზა 2 (FRLD2)” და IOM-ის პროექტის - "მდგრადი რეინტეგრაცია და თემის გაძლიერება: პილოტური ინიციატივა მიგრანტთა დაბრუნების თემებში" ეგიდით დაარსდა. მისი მიზანი საქართველოს მთავრობის ძალისხმევის ხელშეწყობაა დაბრუნებული მიგრანტების მდგრადი რეინტეგრაციის უზრუნველყოფისა და ადგილობრივი თემების გაძლიერების მიმართულებით, რათა მიგრანტები გახდნენ განვითარების აქტორები თავიანთი თემის კეთილდღეობისთვის. განიხილება აქტიური თანამშრომლობა ადგილობრივ მუნიციპალიტეტებთან და სხვა ადგილობრივი განვითარების აქტორებთან, რათა ხელი შეეწყოს მონაწილეობით მიდგომას დაბრუნებული მიგრანტების რეინტეგრაციისა და დაბრუნებული თემების განვითარებაში.