შინაგან საქმეთა სამინისტროს მიგრაციის დეპარტამენტის მიერ მიგრაციის საერთაშორისო ორგანიზაციის (IOM) საქართველოს წარმომადგენლობასთან თანამშრომლობით და ევროკავშირის ფინანსური მხარდაჭერით შემუშავდა რეადმისიის საქმისწარმოების ელექტრონული სისტემის სახელმძღვანელო.

 

სახელმძღვანელო ხელს შეუწყობს საქართველოს მხრიდან სისტემაში ჩართული უწყებების მიერ სისტემის შესაძლებლობების მაქსიმალურ გამოყენებას. „რეადმისიის საქმისწარმოების ელექტრონული სისტემა“ (RCMES) ამოქმედდა 2014 წელს. სისტემის შემუშავებას საფუძვლად დაედო საქართველოსა და ევროკავშირს შორის უნებართვოთ მცხოვრებ პირთა რეადმისიის შეთანხმება. სისტემა მნიშვნელოვნად ამარტივებს პარტნიორი ქვეყნებიდან რეადმისიის პროცესის მართვას და ხელს უწყობს პროცესში ჩართული უწყებების ეფექტიან კოორდინაციას.

 

აღნიშნული სისტემის განვითარება საქართველოს მიერ განხორციელდა მიგრაციის საერთაშორისო ორგანიზაციის მხარდაჭერით და ევროკავშირის დაფინანსებით.