IOM-მა 11-15 აპრილის პერიოდში ჩაატარა საინფორმაციო კამპანია გურიის რეგიონის სხვადასხვა სოფლებში ადგილობრივ მოსახლეობასთან. შეხვედრების თემატური ფოკუსი იყო ბავშვთა შრომის ფორმები ადამიანით ვაჭრობის (ტრეფიკინგთან) ბრძოლის კონტექსტში.

ამ შეხვედრებს უძღვებოდა IOM-ის წარმომადგენელი სახელმწიფო ზრუნვის სააგენტოს გურიის რეგიონის წარმომადგენელთან ერთად. შეხვედრების დროს განიხილეს მრავალფეროვანი საკითხები, მათ შორის, იძულებითი შრომის გავრცელებული ფორმები საქართველოში, მასთან დაკავშირებული რისკები, ბავშვთა უფლებები, არსებული საკანონმდებლო ჩარჩო. IOM-ის ამ ინიციატივას მხარი დაუჭირა ადგილობრივმა ექსპერტმა, რომლის დახმარებითაც მოხდა ახალგაზრდებთან კონტაქტის დამყარება. შეხვედრები საინტერესოდ წარიმართა. ახალგაზრდები ღიად და აქტიურად საუბრობდნენ თავიანთ თემში არსებულ გამოწვევებზე. მოყავდათ რეალური მაგალითები და საუბრობდნენ იმ შემთხვევებზე, სადაც შესაძლოა სახეზე ყოფილიყო ბავშვთა იძულებითი შრომის ინდიკატორები.

IOM-ის ეს ინიციატივა განხორციელდა INL-ის ამერიკის სახელმწიფო დეპარტამენტის დაფინანსებული პროექტის ფარგლებში „ერთობლივი ძალისხმევა ადამიანით ვაჭრობის (ტრეფიკინგის) წინააღმდეგ“.