IOM საქართველოს მისიის ხელმძღვანელი - სანია ჩელებიჩ ლუკოვაცი ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს (INL) ხელმძღვანელის მოადგილეს - ტოდ დ. რობინსონს შეხვდა. მხარეებმა საქართველოში IOM-ის მუშაობა, იმიგრაციისა და საზღვრის მართვა და ადამიანით ვაჭრობასთან (ტრეფიკინგთან) ბრძოლის მეთოდები მიმოიხილეს. შეხვედრაზე ასევე ისაუბრეს შესაძლო სამომავლო თანამშრომლობაზე. შეხვედრას IOM-ის პროგრამების უფროსი ოფიცერი (IBG) - მასიმო რამანზინი და საქართველოში აშშ-ს საელჩოში ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს (INL) ხელმძღვანელი - სარა რუპერტიც ესწრებოდნენ.