2022 წლის 12 აპრილს, მიგრაციის საერთაშორისო ორგანიზაციის (IOM) მისიის ხელმძღვანელი საქართველოში, სანია ჩელებიჩ ლუკოვაჩი საქართველოს საგარეო საქმეთა მინისტრის პირველ მოადგილეს, ლაშა დარსალიას შეხვდა.  

შეხვედრისას მხარეებმა განიხილეს საქართველოში IOM-ი მიმდინარე საქმიანობასთან დაკავშირებული საკითხები და ორგანიზაციასა და საგარეო საქმეთა სამინისტროს შორის სამომავლო თანამშრომლობის პრიორიტეტული მიმართულებები.

მინისტრის პირველმა მოადგილემ მადლობა გადაუხადა IOM-ის წარმომადგენელს ქვეყანაში მათი საქმიანობისა და ნაყოფიერი თანამშრომლობისთვის.

შეხვედრის დასასრულს, მხარეებმა დაადასტურეს პრიორიტეტულ საკითხებზე მჭიდრო პარტნიორობის გაგრძელებისთვის მზადყოფნა.