2022 წლის 1 ივნისს, IOM-ის ორგანიზებით გაიმართა სამუშაო შეხვედრა საქართველოს საგარეო საქმეთა სამინისტროს დიასპორასთან ურთიერთობის დეპარტამენტის წარმომადგენლებთან.

შეხვედრა დაეთმო დიასპორის კონცეფციის შემუშავების ხელშეწყობის მიზნით, დიასპორის ჩართულობის საუკეთესო პრაქტიკის გაცნობას, ამოცანების იდენტიფიცირებასა და კონცეფციის შემუშავების ეტაპების განსაზღვრას. IOM-ის რეგიონული ოფისის, შრომითი მობილობის და სოციალური ჩართულობის სპეციალისტმა, შეხვედრის მონაწილეებს გააცნო დიასპორის მობილიზაციის არსებული მიდგომები და მიმოიხილა დიასპორის ფინანსური, ინტელექტუალური და სოციალური კაპიტალის მოზიდვის საუკეთესო პრაქტიკა (ირლანდიის რესპუბლიკა, მექსიკა, ინდოეთი, კორეის რესპუბლიკა, ა.შ.).

შეხვედრა გაიმართა მიგრაციის საერთაშორისო ორგანიზაციის პროექტის „საქართველოს მთავრობის მხარდაჭერა საზღვრისა და მიგრაციის მართვის შესაძლებლობების შემდგომი გაძლიერებისათვის”(BMMAG) ფარგლებში, რომელიც ევროკავშირის მიერაა მხარდაჭერილი.