8 დეკემბერს მიგრანტთა ინტეგრაციის შესახებ მესამე სამუშაო შეხვედრა - „არასამთავრობო ორგანიზაციებსა და სექტორებს შორის თანამშრომლობა“ ონლაინ რეჟიმში ჩატარდა და ის მიგრაციის საერთაშორისო ორგანიზაციამ (IOM) პროექტ EMERGE-ის ფარგლებში ჩაატარა. ტრეინინგს საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

IOM თურქეთის წარმომადგენლებმა წარმოადგინეს სოციალური ინტეგრაციის პროექტები, რომლებიც ეხებოდა მუნიციპალიტეტებთან თანამშრომლობას მიგრანტთა ინტეგრაციის მიზნით და მონაწილეებს საკუთარი გამოცდილება გაუზიარეს.

შეხვედრის ყველაზე მნიშვნელოვანი მომენტი IOM–ის პარტნიორი არასამთავრობო ორგანიზაციების - „მიგრაციის ცენტრისა“ და „ინტელექტის“ პრეზენტაციები იყო, რომლებშიც განხილული იყო IOM–ის მიერ დაფინანსებული პროექტების უკანასკნელი 5-6 თვის საქმიანობა და მიღწევები. განსაკუთრებული ყურადღება დაეთმო მუნიციპალიტეტებთან თანამშრომლობას უცხო ქვეყნის მოქალაქეების ინტეგრაციის ხელშეწყობის მიმართულებით. არასამთავრობო ორგანიზაცია „ინტელექტის“ ხელმძღვანელის, ლევან გობაძის განცხადებით, აჭარაში მიგრანტებს ყველაზე მეტად ესაჭიროებათ იურიდიულ, სოციალურ-ეკონომიკურ და საგანმანათლებლო მომსახურებებზე წვდომა და გამოხატა მადლიერება არასამთავრობო ორგანიზაციების მხარდაჭერისთვის, რაც მათ პრობლემების სიღრმისეულად შესწავლაში დაეხმარა. მიგრაციის ცენტრის დირექტორის, გიორგი გოგიშვილის განცხადებით, ადგილობრივი მთავრობები ხშირად არ არიან ჩართული ინტეგრაციის ღონისძიებებში, თუმცა ისინი მზად არიან მომავალში იმუშაონ ამ თემებზე და ხელი შეუწყონ მიგრანტების ადაპტაციას ახალ საცხოვრებელ გარემოში.

გაეროს ლტოლვილთა სააგენტოს (UNHCR) წარმომადგენელმა, იოჰან ფრანცმა ინტეგრაციის მხრივ მათ ამჟამინდელ გამოცდილებაზე ისაუბრა. ”წარსულში დევნილების მიღება და მათი (ინტეგრაციული) საჭიროებების მოგვარება განიხილებოდა, როგორც მთავრობების პასუხისმგებლობა. თუმცა, საერთაშორისო დაცვის ქვეშ მყოფი მოსახლეობის მზარდი რაოდენობის გამო, აუცილებელია, რომ საზოგადოების ყველა ნაწილმა ერთად იმუშაოს ამ პრობლემის გადასაჭრელად და ინტეგრაციის გასაადვილებლად” - აღნიშნა ფრანცმა.

შეხვედრაში მონაწილეობა მიიღეს მიგრაციის საკითხებზე მომუშავე სახელმწიფო კომისიის ჯგუფის წევრებმაც, რომლებმაც აღნიშნეს, რომ სემინარები ძალიან სასარგებლოა და იმედს იტოვებენ, რომ შეხვედრები მომავალშიც გაგრძელდება და ხელს შეუწყობს საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროსა და მისი პარტნიორებს, დაგეგმილი ღონისძიებების უფრო ეფექტურ წარმართვაში. მათ მზადყოფნა გამოთქვეს 2021 წელს ითანამშრომლონ IOM– თან ინტეგრაციის საკითხებში და დაესწრონ სემინარებს ისეთ სასარგებლო თემებზე, როგორებიცაა კომუნიკაცია და მონაცემთა დაცვა.

IOM-ის პროექტის მენეჯერმა მაია ვიბლერმა აღნიშნა, რომ IOM მზად არის გააგრძელოს გამოცდილების გაზიარება დაინტერესებულ მხარეებთან, ქვეყნის მასშტაბით მცხოვრები თემების სასარგებლოდ.