19-23 ივლისს მიგრაციის საერთაშორისო ორგანიზაციამ (IOM), გაეროს ლტილვილთა უმაღლეს კომისარიატთან (UNHCR) ერთად საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საარსებო წყაროებით უზრუნველყოფის სააგენტოს, მიგრაციის საკითხთა სამთავრობო კომისიის, განათლების სამინისტროსა და შინაგან საქმეთა სამინისტროს თანამშრომლებისთვის პორტუგალიაში შემეცნებითი ტური ჩაატარა. ვიზიტის მიზანი ქვეყნის ინტეგრაციის პოლიტიკის გაცნობა, ინტეგრაციის ერთი ფანჯრის მოდელის ფუნქციონირებისა და სტრუქტურის შესახებ ცოდნისა და გამოცდილების მიღება და მონაცემთა შეგროვება-გაზიარების მეთოდების უფრო დეტალური შესწავლა იყო.

IOM საქართველო აქტიურად თანამშრომლობს ოკუპირებული ტერიტორიებიდან დევნილთა, ჯანმრთელობისა და სოციალური დაცვის სამინისტროსთან საინტეგრაციო პოლიტიკის შემუშავებისა და დანერგვის მიზნით. ინტეგრაციის საუკეთესო პრაქტიკასა და კვლევებზე ორიენტირებული სემინარების გარდა, IOM-მა, ეროვნული ინტეგრაციის პოლიტიკის დოკუმენტის შემუშავებაში სამინისტროს დასახმარებლად, ადგილობრივი და საერთაშორისო კონსულტანტები შეარჩია.

შემეცნებითი ტური „მიგრანტთა უფლებების დაცვა და დემოკრატიული მმართველობის გაძლიერება სომხეთში და საქართველოში (EMERGE)” პროექტის ფარგლებში ჩატარდა, რომელსაც IOM ნორვეგიის საგარეო საქმეთა სამინისტროს დაფინანსებით ახორციელებს.