IOM-მა საქართველოს შინაგან საქმეთა სამინისტროსთან შეხვედრაზე საზღვრის მართვის სფეროში არსებულ გამოწვევებზე და მიღწევებზე ისაუბრა
2020 წლის 20 თებერვალს შინაგან საქმეთა მინისტრი ვახტანგ გომელაური, მინისტრის მოადგილე ვლადიმერ ბორცვაძე და სტრატეგიული კომუნიკაციების დეპარტამენტის უფროსი ნინო გიორგობიანი IOM-ის საქართველოს მისიის ხელმძღვანელს სანია ჩელებიჩ ლუკოვაცს, ორგანიზაციის ინტეგრირებულის საზღვრის მართვის პროექტის მენეჯერს ჯეისონ კლარკს და IOM-ის ანგარიშგების ოფიცერს ნინო ჭყოიძეს შეხვდნენ. მინისტრმა ხაზი გაუსვა საზღვრის ინტეგრირებული მართვის, უკანონო მიგრაციის და ნებაყოფლობითი დაბრუნების საკითხებში ევროკავშირის და აშშ-ის დაფინანსებით განხორციელებული პროექტების ფარგლებში მიგრაციის საერთაშორისო ორგანიზაციის მხარდაჭერის მნიშვნელობას. მინისტრმა ასევე ისაუბრა დაცული საზღვრების უზრუნველყოფის და საზღვარზე მიგრანტთა უკანონო გადაყვანის წინააღმდეგ ბრძოლის სფეროში არსებულ გამოწვევებზე.
მხარეებმა საქართველოს შინაგან საქმეთა სამინისტროში მიმდინარე პროექტებზეც ისაუბრეს, რომლებიც მიგრაციის საერთაშორისო ორგანიზაციის უშუალო ჩართულობითა და მხარდაჭერით მიმდინარეობს.