ნებაყოფლობითი დაბრუნებისა და რეინტეგრაციის პროგრამები და რეინტეგრაციის ხელშემწყობი დამოუკიდებელი პროგრამები მიგრანტთა სამშობლოში დაბრუნებასა და მდგრად რეინტეგრაციაში უმნიშვნელოვანეს როლს ასრულებს. მიგრაციის საერთაშორისო ორგანიზაცია (IOM) წარმოგიდგენთ IOM-ის განვითარების ფონდის (IDF) მიერ დაფინანსებული პროექტის - რეინტეგრაციის, ინტეგრაციისა და შრომითი მიგრაციის ინტეგრირებული საოპერაციო ჩარჩოს განვითარების მხარდაჭერა - ფარგლებში ჩატარებული ეროვნული კვლევის შედეგებს, რომელიც სხვადასხვა სახის პროგრამით სამშობლოში დაბრუნებული საქართველოს მოქალაქეების რეინტეგრაციის შედეგებს მოიცავს.

მოხსენებაში აღნიშნული შედეგები ხელს შეუწყობს საქართველოს მთავრობასა და სხვა დაინტერესებულ მხარეებს რეინტეგრაციის არსებული  პროგრამების გაძლიერებაში. IOM მზადაა, როგორც საქართველოს, ისე მსოფლიოს მასშტაბით, მდგრადი რეინტეგრაციის ტექნიკურ ექსპერტიზაში, კონტროლში, შეფასებასა და შესწავლაში დასახმარებლად. IOM მადლობას უხდის საქართველოს მთავრობას, საფრანგეთის საიმიგრაციო სამსახურსა (OFII) და “კარიტას საქართველოს“ კვლევის მხარდაჭერისთვის.

დამატებითი ინფორმაციისათვის მიმართეთ: კაროლინა კრელინოვას (kkrelinova@iom.int) ან IOM-ის თბილისის ოფისს (iomtbilisi@iom.int).