23 ივნისს IOM-მა შინაგან საქმეთა სამინისტროს სხვადასხვა დეპარტამენტის თანამშრომლებისათვის კულტურათაშორისი კომუნიკაციის შესახებ ტრენერთა ტრენინგი დაიწყო. ტრენინგს, შსს-ს მიგრაციის, მართლწესრიგის ინსტიტუტის, ადამიანის უფლებების, პოლიციის აკადემიის და სხვა დეპარტამენტების 17 თანამშრომელი ესწრებოდა.

ტრენინგს უძღვებოდა საერთაშორისო ექსპერტი კალინ რუსი და ასევე ადგილობრივი ექსპერტი გიორგი ჩხეიძე. აღნიშნულ ტრენინგს წინ უძღვოდა ონლაინ შეხვედრა, რომელიც მიმდინარე წლის 21 ივნისს გაიმართა. ონლაინ შეხვედრის დროს მონაწილეებმა განიხილეს ტრენინგზე განსახილველი საკითხები.

თბილისში ჩატარებული ორდღიანი ტრენინგის განმავლობაში, დამსწრეებმა მიიღეს ამომწურავი ინფორმაცია მიგრაციის ტენდენციების, კულტურული განსხვავებების, კულტურათშორისი კომუნიკაციისა და კომპეტენციის, საქართველოში მცხოვრები მიგრანტების კულტურული პროფილების, კულტურათშორისი და ძალაუფლების უთანასწორო გადანაწილებით გამოწვეული კონფლიქტების მართვისა და მიგრაციასთან დაკავშირებული შესაბამისი საკითხების შესახებ. შსს-ს თანამშრომლები შეძენილ უნარებს სამინისტროში მომუშავე მათსავე კოლეგებს გაუზიარებენ. აღნიშნული მათ დაეხმარება უცხოელ მიგრანტებთან ურთიერთობის პროდუქტიულად წარმათვისთვის. ტრენინგის სრული ციკლი დასრულდება ივლისის თვეში, როდესაც მონაწილეებს საბოლოო ტრენინგები ჩაუტარდებათ.

ტრენინგი ხორციელდება IOM-ის პროექტ EMERGE-ის ფარგლებში, ნორვეგიის საგარეო საქმეთა სამინისტროს მხარდაჭერით.