2021 წლის 18 ნოემბერს, IOM-ის საქართველოს ორგანიზებით გაიმართა ონლაინ ტრენინგი - საერთაშორისო დასაქმების პოლიტიკა და პრაქტიკა.

ტრენინგში მონაწილეობას იღებდნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შრომითი მიგრაციის  სამმართველოსა და შრომის ინსპექციის სამსახურის თანამშრომლები. ტრენინგს უძღვებოდნენ IOM-ის სათავო ოფისის წარმომადგენლები, მოწვეული ექსპერტის ჩართულობით.

მონაწილეები გაეცნნენ არაეთიკური დასაქმების პრაქტიკის პრევენციისკენ მიმართულ სხვადასხვა ღონისძიებას და ჩაერთნენ ჯგუფურ სამუშაოებსა და მსჯელობებში ისეთი საკითხების შესახებ, როგორიცაა რეკრუტირების საქმიანობის რეგულირების მიზნები, თანამშრომლობა წარმოშობისა და დანიშნულების ქვეყნებს შორის მონიტორინგისა და აღსრულების პროცესის გასაძლიერებლად, შრომითი მიგრანტებისთვის ზიანის ანაზღაურების მექანიზმებზე წვდომის გასაუმჯობესებლად გასატარებელი ღონისძიებები.

ტრენინგი ჩატარდა ევროკავშირის მიერ დაფინანსებული პროექტის -” საქართველოში საზღვრის და მიგრაციის მართვის მდგრადობის უზრუნველყოფა (SBMMG)”, ფარგლებში.