2021 წლის 31 მაისიდან 1-ლი ივნისის ჩათვლით, IOM საქართველოს მისიისა და ოკუპირებული ტერიტორიებიდან დევნილთა, შრომის, ჯანმრთელობისა და  სოციალური დაცვის სამინისტროს და ამავე სამინისტროს მმართველობის სფეროში მოქმედი სსიპ-ის, დასაქმების ხელშეწყობის სახელმწიფო სააგენტოს ერთობლივი ინიციატივით,  გაიმართა საკონსულტაციო შეხვედრა შრომითი მიგრაციის სფეროში მიმდინარე აქტუალური საკითხებისა და  თანამშრომლობის სფეროების მიმოხილვის მიზნით.

შეხვედრის მონაწილე მხარეების წარმომადგენლებმა,  იმსჯელეს შრომითი მიგრაციის სფეროში, სახელმწიფო პოლიტიკის კუთხით არსებულ ვითარებასა და სამომავლო გეგმებზე, დროებითი ლეგალური დასაქმების სფეროში, სახელმწიფოთაშორისო თანამშრომლობის ფარგლებში უკვე მიღებულ გამოცდილებაზე.  მხარეებმა განიხილეს აღნიშნულ სფეროში IOM საქართველოსთან თანამშრომლობის გაგრძელებისა და გაღრმავების, მათ შორის,  დასაქმების ხელშეწყობის  სახელმწიფო სააგენტოს შრომითი მიგრაციის დეპარტამენტის პოტენციალის გაძლიერების შესაძლებლობები.

ღონისძიება გაიმართა მიგრაციის საერთაშორისო ორგანიზაციის განვითარების ფონდის (IDF) მიერ დაფინანსებული პროექტის - რეინტეგრაციის, ინტეგრაციისა და შრომითი მიგრაციის ინტეგრირებული საოპერაციო ჩარჩოს განვითარების მხარდაჭერა - ფარგლებში.