შვეიცარიის მიგრაციის სახელმწიფო სამდივნომ (SEM), პროეტის განმახორციელებელ მიგრაციის საერთაშორისო ორგანიზაციასთან (IOM) ერთად, საქართველოს ფინანსთა სამინისტროს შემოსავლების სამსახურს 100 000 შვეიცარიული ფრანკის (370 000 ლარი) ღირებულების პირადი დაცვის საშუალებები გადასცა.

გადაცემული საშუალებები მოიცავს პირბადეებს, რესპირატორებს, ხელთათმანებს, სამედიცინო ხალათებს, სამედიცინო კომბინიზონებს და ა.შ. ეს აღჭურვილობა განსაკუთრებით დაეხმარება შემოსავლების სამსახურის საბაჟო დეპარტამენტის თანამშრომლებს, რომლებიც COVID-19-ის გავრცელების პრევენციის მიზნით ეპიდემიოლგიური კონტროლის ღონისძიებებს ატარებენ საქართველოს სასაზღვრო გამტარ პუნქტებზე.

ეს ღონისძიება განხორციელდა IOM-ის პროექტის ფარგლებში - „საქართველოს მთავრობის COVID-19-ზე რეაგირების მხარდაჭერა მიგრაციისა და საზღვრის მართვის სფეროში“, რომელიც მიმდინარეობს შვეიცარის მიგრაციის სახელმწიფო სამდივნოს ფინანსური მხარდაჭერით.